Çfarë kërkon ligji nga punëdhënësi për sigurinë në punë
Udhëzues i shkurtër për Ligjin Nr. 04/L-161 për Sigurinë dhe Shëndetin në Punë: detyrimet kryesore, afatet dhe gjobat, secili me nenin përkatës.
Ligji vlen për çdo punëdhënës në Kosovë, në sektorin privat dhe publik, pavarësisht numrit të të punësuarve. Punëdhënësi është përgjegjës për kushte pune të sigurta dhe të shëndetshme në të gjitha aspektet e punës (neni 5), dhe masat e sigurisë nuk mund të bien kurrë në ngarkesë financiare të të punësuarve (neni 8).
Kontrolloni 12 kriteret ligjoreUdhëzuesit falas për ndërtimtari dhe industri
Nëntë detyrimet kryesore
-
Vlerësimi i rrezikut për çdo vend pune
Punëdhënësi duhet të bëjë vlerësim të hollësishëm të rreziqeve për secilin vend pune dhe të hartojë dokumentin e vlerësimit të rrezikut me masat teknike, organizative dhe higjieniko-sanitare.
-
Personi ose shërbimi përgjegjës për SSHP
Çdo punëdhënës duhet të ngarkojë një ose më shumë të punësuar me sigurinë dhe shëndetin në punë, ose të angazhojë shërbim profesional të jashtëm kur nuk ka personel të kualifikuar.
-
Trajnimi i çdo të punësuari
Trajnim për vendin e punës para ose pas fillimit të punës, kur ndërrohet vendi i punës, kur vijnë pajisje ose teknologji të reja dhe periodikisht. Trajnimi mbahet gjatë orarit të punës.
-
Informimi dhe konsultimi
Të punësuarit informohen për rreziqet, masat mbrojtëse, ndihmën e parë, zjarrin dhe evakuimin, dhe konsultohen për masat, vlerësimin e rrezikut dhe planin e trajnimeve.
-
Mjetet e punës dhe pajisjet mbrojtëse
Mjetet e punës mbahen në gjendje të rregullt dhe kontrollohen periodikisht; të punësuarit pajisen detyrimisht me pajisje mbrojtëse personale që mirëmbahen dhe zëvendësohen në afat.
-
Ndihma e parë, zjarri dhe evakuimi
Masa për ndihmën e parë, fikjen e zjarrit dhe evakuimin; persona të trajnuar; plan evakuimi i njohur nga të gjithë; aparate zjarrfikëse të mjaftueshme dhe të rimbushura në afat.
-
Kontrollet mjekësore
Të gjithë të punësuarit dërgohen në kontroll mjekësor në institucione të licencuara për mjekësi të punës; për punët me kushte të veçanta kontrolli bëhet para caktimit në punë.
-
Aksidentet në punë
Evidenca e lëndimeve dhe e sëmundjeve profesionale, fletëlëndimi për të lënduarin dhe njoftimi i menjëhershëm i inspektorit të punës për çdo aksident me lëndim ose vdekje.
-
Bashkëpunimi me kontraktorët
Punëdhënësit që ndajnë të njëjtën hapësirë pune bashkëpunojnë për masat e sigurisë; investitori lidh marrëveshje me shkrim për përgjegjësinë e SSHP me kontraktuesit dhe nënkontraktuesit.
Kush duhet të merret me SSHP në organizatën tuaj
Neni 10 e lidh përgjegjësinë me numrin e të punësuarve.
- Deri në 50Punëdhënësi mund ta marrë vetë përgjegjësinë, nëse është kompetent dhe i plotëson kushtet e përcaktuara nga Ministria.
- 50 deri në 250Punëdhënësi duhet të caktojë një ekspert për detyrat e sigurisë dhe shëndetit në punë.
- Mbi 250Punëdhënësi duhet të angazhojë një ose më shumë ekspertë për sigurinë dhe shëndetin në punë.
Kur nuk ka personel të kualifikuar brenda organizatës, punëdhënësi angazhon shërbim profesional të jashtëm (neni 9).
Afatet që duhen mbajtur mend
- MenjëherëNjoftimi i inspektorit të punës për aksident me lëndim ose vdekje.Neni 23
- Para fillimit të punësInformimi për rreziqet dhe trajnimi për vendin e punës.Nenet 13 dhe 20
- Para përdorimit të parëKontrolli dhe testimi i mjeteve të punës; po ashtu pas rindërtimit, avarisë ose zhvendosjes.Neni 14
- Çdo vitKontrolli mjekësor për të punësuarit në vende pune me kushte të veçanta.Neni 17
- Të paktën një herë në 2 vjetUshtrim praktik i evakuimit sipas planit.Neni 11
- Të paktën një herë në 3 vjetKontrolli mjekësor për të gjithë të punësuarit.Neni 22
Gjobat për punëdhënësin
Gjoba shqiptohet për secilën dispozitë të shkelur (neni 25).
| Nenet 5, 6, 9, 10Parimet, detyrimet e përgjithshme, personi përgjegjës | 500 - 10.000 € |
|---|---|
| Nenet 7, 11, 12, 13, 15, 17Masat parandaluese, emergjencat, dokumenti i rrezikut, objektet | 500 - 35.000 € |
| Neni 8Investitori, kontraktuesi ose nënkontraktuesi | 5.000 - 35.000 € |
| Nenet 14, 16Mjetet e punës, vlerësimi i rrezikshmërisë | 500 - 25.000 € |
| Nenet 18, 19Informimi dhe konsultimi | 500 - 15.000 € |
| Nenet 20, 22, 23Trajnimi, kontrollet mjekësore, aksidentet | 500 - 20.000 € |
Pyetje të shpeshta
A duhet vlerësim rreziku edhe një biznes i vogël?
Po. Neni 5 dhe neni 16 i vlejnë çdo punëdhënësi, pavarësisht numrit të të punësuarve. Për bizneset me pak rreziqe dokumenti është më i shkurtër, por duhet të ekzistojë dhe të përditësohet kur ndryshon puna.
Sa shpesh duhet të trajnohen punonjësit?
Ligji kërkon trajnim para ose pas fillimit të punës, kur ndërrohet vendi i punës, kur vijnë pajisje ose teknologji të reja dhe periodikisht kur është e nevojshme (neni 20). Ritmin periodik e përcaktojmë sipas vlerësimit të rrezikut.
Kush e mbikëqyr zbatimin e ligjit?
Inspektorati i Punës (neni 24). Inspektori mund të urdhërojë masa të menjëhershme dhe, kur ka rrezik serioz, ndalimin e përkohshëm të procesit të punës (neni 23).
A mund ta kryejë këtë një kompani e jashtme?
Po. Kur punëdhënësi nuk ka personel të kualifikuar, ligji kërkon që të angazhojë persona ose institucione për shërbime profesionale të jashtme (neni 9). Kjo është pikërisht ajo që bën HSK.
Ky udhëzues përmbledh tekstin e ligjit dhe nuk është këshillë ligjore. Aktet nënligjore mund të sjellin kërkesa shtesë. Teksti zyrtar i ligjit në Gazetën Zyrtare
Le të diskutojmë kërkesat e sigurisë në vendin tuaj të punës.
Tregoni shkurt për organizatën dhe vendin e punës. Ju propozojmë hapin e parë.
